Haur Hezkuntza
Eraiki dezagun, zentzuz, elkarrekin
ELEANITZ PROIEKTUAK
Proiektu eleanitzen bidez, gure xede nagusia, hainbat hizkuntza ezberdinen ikaskuntza sendotzea da, proiektu eleaniztun ororen ardatz nagusia Euskara dela kontuan hartuta.
- Eleaniztasuna
- Urrezko txantxangorria
GAITASUNEN GARAPENA
Ikasle konpetenteak nahi ditugu eta horretarako, konpetentziatan, erronketan eta arazoetan oinarritutako proiektuen bidez lan egiten dugu, ikaslea ardatz delarik.
- Proiektuen bidezko ikaskuntza
- Estimulazio goiztiarra
NATURAN HEZIZ
Herrialde garatuetako haurrek gero eta denbora gutxiago ematen dute kalean eta jolas librerako duten denbora ere mugatua da. Egoera honi erantzun bat eman nahian, hezkuntza eredu berdeagoak eskeintzen ditugu.
- Ortua
- Baso eskola
IKUSPEGI JASANGARRIA
Mundua bere osotasunean zaindu beharra ikusten dugu, guztiona delako eta bakarra daukagulako.
Zainketa hau ahal dugun neurrian eta eskura ditugun baliabideekin aurrera eramaten dugu, ikastolan lanketa ezberdinak eginez, ikasle, familia eta orohar ikas-komunitate guztiak elkarlan behar honen kontzientzia izan dezan.
- Urmaela
Haur Hezkuntzako bigarren zikloan, 3 eta 5 urte arteko ikasleekin egiten dugu lan.
Ikastolako ildo orokorrekin jarraituz, ikaslea bere ikaskuntzaren protagonista izan dadin, bere autoezagutzara eta ikaskideekin sozializatzera bideratzen dugu.
Adin honetan ikaslearen garapenak duen garrantziaz jabetuta, eta naturan hezteak ikaslearengan sortzen duen ingurunearekiko atxikimenduaz jakitun, Baso Eskola eta Estimulazio Goiztiarraren inguruan lan egiten dugu, momentu oro ikasleei gertutasuna azalduz eta era berean norbere garapenaren protagonista izatera bultzatuz.
